ТОЧКА ПОЧЕТНА    СУПЕРМЕН    КАРМИН    
 
ЗДРАВЈЕ И СПОРТМАШКА МОДАСЕКС И ЖЕНИБИЗНИС И ПАРИАВТОМОБИЛИСТИЛГЕЏЕТИSUPERGIRL

Кинескиот суперавтобус – најголема измама во 2016-та година?
03.01.2017 | 11:47
Извор: Супермен
Прочитано: 10860 пати

Поминаа неколку месеци откако во Кина беше претставен прототип од џиновскиот автобус на кат којшто се движи по шини. Меѓутоа, на патот кон реализацијата на овој проект, се појавиле и бројни, се чини непремостливи препреки.

Контроверзниот проект Transit Elevated Bus (TEB) за прв пат беше прикажан јавно во месец мај, сега веќе изминатата година, на Саемот за висока технологија во Пекинг, кога беше свечено изложена макетата од ова возило.

Системот TEB е замислен како комбинација од надземно метро и класичен автобус, а би претставувал алтернатива за автобускиот сообраќај и класичното подземно метро. Предвидено е да може да превезува голем број на луѓе во брзо растечките кинески градови со популација од десетина и повеќе милиони жители.

Со оглед на фактот дека се движи по површината на земјата, над патниот сообраќај, цената за изградба на инфраструктурата би била значајно пониска отколку во случајот со класичното метро.

Авторите на овој проект предвидуваа дека TEB ќе се движи на специјални шини коишто би биле поставени долж широките булевари, при што кабината на возилото би било издигната од коловозот, такашто под него непречено би се одвивал автомобилскиот сообраќај. Самата кабина би била модуларна, па поединечни сегменти од ова џиновско возило би можеле да се спојуваат, како вагони, при што во кабината би можеле да се превезат и до 1.400 патници.


А со оглед на тоа дека TEB има погон на струја, овој вид на превоз не би го зголемил загадувањето на воздухот коешто во големите кинески градови е на едно алармантно ниво, такашто еколошкиот фактор е впишан како дополнителен плус.

Ако се знае дека TEB претставува еквивалент на број од 30 до 40 конвенционални автобуси, заштедата на гориво би била исто така значајна. Сè на сè, бројните предности на овој вид на јавен превоз биле доволен аргумент за проектот од фаза на макета, да премине во фаза на изградба на прототип во природна големина.



Првото тест возење се случи во месец август, минатата година, проследено со големо внимание од страна на медиумите, а оценето е и со одлична оценка. Меѓутоа, набрзо се појавиле и бројни контроверзии во поглед на целиот проект, но пристигнале и првите обвиненија дека се работи за една најобична измама.

Една од главните причини зошто оваа идеја којашто на парче хартија ветува многу е прогласена за крајно сомнителна, лежи токму во површно изработениот и реализиран прототип. Всушност, TEB-1 којшто во месец август беше помпезно претставен на тест делница со должина од 300 метри, бил висок само 2 метри, па под него можеле да минуваат само исклучително ниски патнички возила. Со тоа, непречениот сообраќај на останатите моторни возила, како што претходно било најавувано, бил потполно неизводлив.

Значи, иако проектот предвидувал изградба на специјални шини по коишто TEB би се движел, се испоставило дека прототипот е поставен на некаков вид на гумени тркала.

Дополнителен сомнеж во контекст на изводливоста на целиот проект предизвикала и невозможноста за прототипот да врти во кривини – било демонстрирано исклучиво едноставно праволиниско движење на возилото.



Сериозен предизвик за авторите на овој проект претатавувала и комуникацијата помеѓу возачот на џиновскиот автобус и возачите на патничките возила коишто би се движеле под него, особено ако автомобилот го менува правецот на движење. Многумина поради тоа предвидувале дека возачите би биле изложени на дополнителен стрес, како и тоа дека би пораснал бројот на сообраќајни инциденти и незгоди.

А освен очигледните технички недостатоци кај прототип моделот, се појавиле и бројни контроверзии околу самиот инвеститор на проектот. Компанијата Tebtech веќе и се повлекла од задачата откако се појавила и веста дека властите во градот Куинхуангдао и воопшто не дале согласност за проектот за џиновскиот автобус.

Од друга страна, креаторите на прототипот застанале во своја одбрана, тврдејќи дека првото тест возење и не претставувало вистинска проба, туку дел од процесот на интерно испитување на возилото. Меѓутоа, потоа следеле и нови обвиненија дека компанијата Tebtech се обидела да ги измами потенцијалните инвеститори.


И така, за само неколку месеци, почетниот ентузијазам по повод целиот проект TEB, којшто требало да претставува решение за проблемите во сообраќајот и загадувањето на воздухот во кинеските, но и во големите градови кај некои од останатите растечки економии, како што е Индија, спласнал речиси комплетно.

Сега судбината на проектот е неизвесна, па дури и кинеските власти се обидуваат да ја “замачкаат” целата приказна цензурирајќи ја веста за џиновскиот автобус. Eдинствени видливи траги остава споменатиот несреќен прототип којшто е оставен да пропаѓа на улиците во градот Куинхуангдао, кадешто, како што велат граѓаните, единствено само зазема простор и го попречува редовниот сообраќај.

КОМЕНТАРИ  
НАЈНОВО ОД БИЗНИС И ПАРИ  
КАРИЕРА
Карактеристики на успешните мажи
Успехот е лична категорија, без разлика на објективните проценки. Успешните мажи често и не се обидуваат да бидат успешни – тие само настојуваат на адекватен на...
24.02.2017, 10:46


ЕНТЕРИЕР
Новото седиште на Apple: Професионалност или болен перфекционизам?
Дизајнерите на новото седиште на компанијата Apple посветиле неверојатно внимание на секој можен детал во зградата, пишува Рeuters.
09.02.2017, 15:33


МАФИЈА
Кои се најмоќните гангстери на сите времиња?
Сите добро знаеме дека “лошите момци” од реалноста имаат голема моќ во своите раце и тотална слобода да прават што сакаат, без да бидат фатени.
06.02.2017, 13:13


КОМПАНИИ
Mercedes “ги чести” своите работници со по 5.400 евра!
Токму толку изнесува годишниот бонус којшто германскиот производител ќе им го исплати на вработените после успешната 2016-та година.
06.02.2017, 12:23


БИЗНИС И ПАРИ / СУПЕРМЕН
Арогантниот животен стил му возвраќа: Џони Деп на работ на банкрот? Еве на што ги потрошил милионите...
Деп веќе во повеќе наврати и веќе бил опоменат дека троши без никаква контрола...
02.02.2017, 19:38

 

НАЈЧИТАНИ 24чaса | 7дена | 30дена

Зошто не е добро да возите со помалку од половина полн резервоар?
Една од работите кои при возењето би требало да ја избегнувате е возењето со мала количина на гориво...
ВСЕЛЕНА
Ова се причините зошто сè уште не сме пронашле вонземјани
ДИГИТАЛНА ЕРА
Морничавата вистина за паметните телевизори за која никој не зборува
СЕКС НАМИРНИЦИ
Со природен афродизијак до подобар секс
ТРЕНДОВИ
Хипстерите се минато: Новата Hypebeast култура го презема светот?
ВИДЕО 24чaса | 7дена | 30дена

Што пие “The Mountain” за да биде огромен?
Тој е еден од најсилните луѓе на планетата, кој своите шејкови ги сфаќа многу сериозно.
РЕТРО
Porsche ги претстави своите 5 најретки спортски модели!
YOUTUBE
Disney ја прекина соработката со PewDiePie поради антисемитски испад
ФОТО 24чaса | 7дена | 30дена

Lenovo Yoga Book – исклучителен таблет за креативци во движење
Еден од уредите, коj минатата година привлече најмногу внимание на саемот IFA е хибридниот Lenovo Yo...
ИЗГЛЕД
Каква брада одговара на Вашиот облик на лице?
ПРОВОКАТИВНО
Згодната Соња Санта Круз често позира полугола. Или сосема гола...
ФЕЈСБУК 'LIKE BOX'
 
ЕНТЕРИЕР
Новото седиште на Apple: Професионалност или болен перфекционизам?
МУСКУЛНА ГРАДБА
Консумирајте ја оваа намирница за совршени стомачни мускули!
АВТО-СОВЕТИ
Зошто не е добро да возите со помалку од половина полн резервоар?
НАПРЕДНА ТЕХНОЛОГИЈА
Не губете време – дозволете робот да Ви го паркира автомобилот!