Фитнес заблуди: 4 најголеми митови во кои не треба да верувате

Точка

18/09/2017

16:11

3.050

Големина на фонт

а а а

Секој вежбач во својата “кариера” се соочил со совети од т.н. експерти кои биле спремни да споделат некои важни фитнес правила. Меѓутоа, мал дел од луѓето навистина ја познаваат оваа материја, затоа бидете внимателни и верувајте им исклучиво на професионалците.

Во продолжение, погледнете листа од четири фитнес заблуди во кои никогаш не треба да верувате. 

Колку подолго сте во теретана, толку подобри резултати ќе остварите

Нивото на енергија во нашето тело зависи од многу работи – од тоа како тренираме до тоа како и колку долго спиеме. Поради тоа, квалитетни 20 минути во теретана можат да бидат многу поефикасни од два часа, секако доколку секоја секунда ја посветите на правилното вежбање. Наместо класичните високоинтензивни тренинзи, испробајте програм со вежби кои ќе ги правите 30 секунди со максимален интензитет, со пауза од 30 секунди. Осцилациите помеѓу напорот и одморот ја зголемуваат потрошувачката на кислород по тренингот, што како реакција доведува до забрзување на метаболизмот и зголемување на енергијата и до 48 часа по тренингот.


Големи тежини градат големи мускули

“Квалитетот е квалитет”, вели личниот тренер Дилан Џонс. “Сè додека вашите мускулни влакна се под голема тензија, тоа е добро за вас, но многу подобра опција е малку да ја намалите тежината и да се фокусирате на правилната техника на изведување на вежбите, со што на поефикасен начин ќе ги активирате мускулите од различни мускулни групи”, додава тој.

Вежбите за стомачни ги обликуваат стомачните мускули

Во суштина, станува збор за погрешно применета логика. Постојат две основни заблуди: прво, популарните “плочки” не зависат само од абдоминалните мускули. Со цел да добиете дефиниција, потребно е да имате и цврсти странични мускули и мускули на натколениците. Второ, сите спортисти вклучувајќи ги и боксерите изведуваат бројни потези со телото како што е трчање, удирање и латерално кревање, што им помага да го намалат процентот на масти во телото, така што митот за стомачните вежби како единствен начин за обликување на абдоминалните мускули паѓа во вода.


Протеински шејк за поголеми мускули

Според податоците од истражувањето кое било спроведено на Американскиот колеџ за спортска медицина, мускулите се градат со помош на голем спектар на протеини, кои се внесуваат во адекватен процент. Статистиките велат дека количината помеѓу 1,2 и 1,7 грама протеин по килограм телесна тежина е идеалната формула за градење на мускули. Фитнес списанијата и порталите налагаат да се консумираат големи количини на протеини и други суплементи, но за вежбачите кои ја посетуваат теретаната барем три пати неделно, внесот на намирници кои се богати со протеини во правилна мера е повеќе од доволно.


Спонозорирани линкови

Маркетинг
назад до tocka.com.mk