Фестивалот ќе се одржи во Битола, на летната тераса на Офицерскиот дом, од 18 до 20 мај. За тоа што значи да се организира и создаде ваков фестивал, ни зборуваше неговиот креатор и организатор - џез музичарот и професор на музичка академија Сашо Поповски.

Седум години функциониравте како работилница, за најпосле кога почувствувавте дека е вистинки миг да го создадете фестивалот за џез музика - прв џез фестивал во Битола... Верувам патот беше макотрпен?

Да. Ова е проект кој започнав да го работам во 2011 година како едукативна работилница за млади. Имавме 12 изданија и 3 концерти и конечно оваа година прерасна во интернационален фестивал на кој ќе настапат реномирани артисти со голем професионален багаж зад себе. Покрај концертите тие ќе одржат и работилници за музичари, како и интересна пропратна програма од 2 концерти на студентски бендови кои произлегуваат од џез одделот при музичка академија на Универзитетот „Гоце Делчев“ – Штип и дебата на културни работници и новинари на теми блиско поврзани за состојбата на музичката сцена во Р. Македонија, букинг агенти и формирање на интернационална мрежа на фестивали за полесна соработка.

Тешко ли е да се организира, направи концепт за ваков фестивал во маглата од мејнстрим и турбо-фолк музика со која се гушиме со години?

Се разбира дека е тешко бидејќи секој фестивал се подготвува во текот на цела година и сета енергија е насочена на тие 3 дена, на впечатокот кој се остава кај публиката, на етаблирање на градот во културната карта на Европа. Битола е град со долга традиција на културни настани и многубројна публика која е желна за поинаква понуда настрана од мејнстримот, кој насилно се сервира кај популацијата преку медиумите.

Имаме особено плодни џез музичари, ама немаме соодветни клубови и фестивали каде тие би можеле да се промовираат и настапат. Какво е Вашето искуство, со оглед на тоа дека сте џез музичар? Ќе заживее ли таа сцена конечно?

За квалитетно функционирање на секој фестивал или клуб (со готова програма 10 – 12 месеци) треба промена во начинот на финансирање пред се од Министерството за култура, преку отворени повици во текот на целата година и зголемување на вкупниот буџет за култура, носење на регулатива за задолжително финансирање на култура од страна на стопанските субјекти – спонзори, зголемување на средствата наменети за култура на локално ниво – општина, како и формирање на инструмент за заштита на домашните артисти преку зголемување на данокот на добивка кај агенциите кои работат со странски артисти, а со таква мерка и давање на поттик за работа со домашните артисти.

Која е главната цел на фестивалот?

Културна децентрализација преку проект кој доаѓа како спонтан резултат на досегашните изданија на „Џез Фабрика“ кои во изминате 5 години стана препознатливо име за промовирање на џез културата во Македонија. Спојот на авторски џез изведби со едукативни работилници за млади го направија овој проект препознатлив, атрактивен и посетен. Континуитетот на овој проект всушност го прикажува неговиот раст до фестивалска манифестација со регионален карактер.

Раскажете нешто за Вас... настапи, искуства?

Во моментот сум професор на Музичката академија – УГД Штип и шеф на одделот за џез студии. По успешниот албум „Gathering“ го завршив материјалот за 4-от албум со моето трио Иван Бејков на контрабас и Виктор Филиповски на тапани. Минатата година имав мала турнеја во Црна Гора, Котор и Будва, а оваа година имам покана за настап на џез фестивал во Хрватска.

Автентичноста на оваа манифестација се огледува во поинаквиот пристап кон промовирање на џез културата. Преку концерти, работилници, дискусии и промовирање на џез културата, изложба, филм, отворање на темите за музичката критика, пресипитување на македонскиот џез дискурс