Во 20-минутното видео кое е објавено на социјалните мрежи, еден маж по име Џон тврди дека доаѓа од далечната иднина и објаснува како светот ќе изгледа во 40-тиот век, од кој наводно допатувал.
Добра вест е тоа што луѓето повеќе нема да работат. Не само што роботите ќе ги извршуваат физичките работи, туку вештачката интелигенција ќе ги врши и оние креативните.
Како пример ја наведува вештачката интелигенција која ќе дизајнира автомобили. Секако, тој не очекувал луѓето да му веруваат, па затоа покажал и фотографија од таквите автомобили за која смета дека е несоборлив доказ дека навистина доаѓа од иднината.
“Ова е мојот драг DR-18”, изјавил тој, покажувајќи фотографија од летечки автомобил.
Поради брзиот напредок, луѓето живеат подолго и остануваат млади.
“Јас имам 132 години, но изгледам како да имам 20, 25 во споредба со вас”.
Друга прекрасна работа во иднината е тоа што нема сообраќаен метеж. Не постојат домашни миленичиња, а кучињата и мачките можат да се видат само во зоолошките градини. Исто така, луѓето ги уништиле птиците со цел да не им сметаат на летечките автомобили.