Светот доби нов лидер кога е во прашање брзината на најпопуларната автомобилска класа.
Јапонец од тронот го симна Јапонецот – новиот најбрз SUV на светот е Nissan Qashqai-R.
Специјално тјунираната верзија на Qashqai има 2 илјади коњски сили со агрегат од GT-R и достигнува максимална брзина од 382,7 километри на час.
Британската тјунерска куќа Severn Valley Motorsport (SVM) го подготви овој Nissan кој го надмина резултатот на досегашниот рекордер – Toyota Land Cruiser (370 километри на час).
Qashqai на приватната патека долга две милји (3,2 километри) ги надмина дури и суперавтомобилот Koenigsegg Agera RS (356,1 километри на час) и One:1 (351,3 километри на час).
Најмоќната фабричка верзија на Nissan QQ содржи 1.6i DIG-T мотор со 163 коњски сили и 240 Nm.