Кинезите смислиле генијална идеја за спречување на пешаците да поминуваат на црвено
Локалните власти во градот Даје во кинеската провинција Хубеј смислиле нов начин како да ги одвратат пешаците од поминување на улиците на црвено светло.
Имено, сите нетрпеливи пешаци кои не го чекаат појавувањето на зеленото светло ќе бидат испрскани со вода.
Полициските функционери го одобриле инсталирањето на пет жолти столбови на секој пешачки остров, на една од најпрометните крстосници.
Столбовите се опремени со неколку методи кои се наменети да ги одвикнат пешаците да ги поминуваат улиците на црвено светло.
“China Daily” пренесува дека столбовите се опремени со звучен систем кој ги информира пешаците кога е во ред да ја преминат улицата со зборовите: “Светлото е сега зелено. Ве молиме брзо преминете ја улицата и внимавајте на вашата безбедност”.
How do you stop people crossing on red lights?
— Sixth Tone (@SixthTone) April 19, 2018
Traffic police in one Hubei city think spraying jaywalkers with water is the best deterrent. pic.twitter.com/ceJHoXONcQ
Втората порака им вели на пешаците да не тргнуваат прерано: “Ве молиме да не ја преминувате улицата. Ќе бидете испрскани со вода”.
За оние кои ќе се спротивстават на ваквото предупредување, “заканата” ќе биде исполнета бидејќи сензорите за движење ја регистрираат личноста која ја преминува улицата пред промената на зелено светло и ја прска со вода.
