Јапонски трансформери: Од робот до автомобил за една минута
Хуманоидниот робот кој може за 60 секунди да се трансформира во автомобил, денеска беше претставен во Јапонија.
Роботот наречен RIDE е дело на Кенџи Ишида, директор на компанијата Brave Robotics, пренесува Ројтерс.
“Пораснав верувајќи дека роботите треба да бидат способни да прават такви работи и тоа стана моја мотивација да развијам ваков робот”, изјави Ишида за британската новинска агенција.
Сино-белиот робот висок 3,7 метри може да превезе двајца патници кога ќе се трансформира во автомобил.
“Поединци гледаат на овој робот како на “скапа играчка”, но тој е направен за да ги инспирира другите”, вели Ишида.
Погледнете го видеото:
