Вистинска секс-бомба: Која е кипарската Шакира, атрактивната учесничка на овогодишната Евровизија?

Згодната Елени вчеравечер се претстави со песната “Fuego” и со своето одлично шоу ја крена публиката на нозе. Таа влезе во финалето, што не е чудно за секој оној кој го погледна нејзиниот настап. 

31-годишната убавица која ја нарекуваат “кипарската Шакира”, но и “кипарската Бијонсе” е родена во Албанија, а денес живее во Атина, Грција. Покрај пеењето, таа се занимава и со актерство, танц и моден дизајн. Фуреира е во врска со фудбалерот Алберто Ботиахас.

Својата музичка кариера ја започнала во 2007 година во бендот “Mystique”, а две години подоцна таа одлучила да продолжи со соло кариера во која има три албуми кои се многу популарни на територијата на Грција и Кипар.

Елени се појавила како судија во грчката верзија на танчерското шоу “So You Think You Can Dance”, а веќе три пати се натпреварувала за претставник на Грција на Евровизија (2010, 2013 и 2017 година), но ниеден обид не бил успешен.

Таа оваа година стигна до евровизиската сцена со поп песната “Fuego”, која е дело на шведско-грчкиот композитор Алекс Папаконстантиноу.