Новитет на пазарот: Официјално претставена новата Nokia X6
Компанијата HMD Global официјално го претстави својот нов паметен телефон Nokia X6, прв модел од освежената X-серија. Овој телефон од средниот сегмент во премиум куќиште е претставен во Кина.
Nokia X6 има 5.8-инчен FHD+ (1080 x 2280p) дисплеј, со 19:9 однос на страници и заштитна обвивка Cornin Gorilla Glass 3.
Ова е првиот Nokia телефон со изрез на врвот на екранот во кој се сместени предната камера со 16 MP и функција за отклучување со помош на лицето.
Nokia X6 Officially Launched in China, Pricing Starts From 1299 Yuan
— PhoneRadar (@phoneradarblog) May 16, 2018
Read More: https://t.co/6snlS0VDP4@Nokiamobile @NokiamobileIN pic.twitter.com/AfGPyArj1c
На задната страна се наоѓа систем со две камери кој се состои од стандардниот сензор од 16 MP со f/2.0 бленда и 5MP монохромен сензор со f/2.2 отвор на блендата.
Сите камери имаат корисни AI трикови, како што е позадинско заматување, препознавање на лицето, динамичка експресија и филтери. На задната страна се наоѓа и сензор за отпечатоци на прсти.
HMD Global is bringing a new #Nokia phone—Nokia X6— to China. With notch, a 19:9 display, dual-rear camera and a mode of using front and rear cameras simultaneously, the new handset was priced starting at a low 1,299 yuan or $205. #smartphone pic.twitter.com/lJiiecJYse
— China Daily (@ChinaDaily) May 16, 2018
Телефонот го покренува Snapdragon 636 процесор, заедно со 4GB RAM и 32GB/64GB интерна меморија, односно 6GB RAM и 64GB простор за складирање. Хибридниот слот може да послужи за проширување на складишниот простор или за додавање на уште една SIM картичка.
Батеријата на телефонот има капацитет од 3060 mAh и се полни преку USB-C конектор до брзина од Quick Charge 3.0. Тоа би требало да овозможи полнење до 50% за 30 минути.
Оперативниот систем на телефонот е Android 8.1 Oreo, со надоградба за Android P.
Паметниот телефон ќе биде достапен во сина, црна и сребрена боја. Nokia X6 во Кина ќе се продава од 21-ви мај, додека сè уште се очекува потврдата за достапност надвор од Кина.
