Авионите на претседателите на најмоќните сили, Русија и САД, Владимир Путин и Доналд Трамп, се вистински летечки тврдини, а не се штедело ни на комфорноста ни на безбедноста.
Тие на самитот во Хелсинки пристигнале во своите претседателски авиони, а јавноста веднаш почнала да анализира чиј е подобар.
Авионот на Путин - "IL-96-300PU" чинел 500 милиони долари, а опремен е со напредна технологија која оваа летечка палата, како што нарекле медиумите, ја прави вистински команден центар во случај на неочекуван напад.
Од надвор изгледа како стандарден патнички авион, иако според димензиите е нешто поголем, а внатре рускиот претседателски авион е опремен како луксузен хотел.
#ANCNEC #SONA2018
— Hasta la victoria siempre (@maxwellmothlake) February 6, 2018
4-engined Ilyushin Il-96-300PU Pres jet, Reg RA-96022, call AirForce 1 made U-turn into Russia airspace. #NuclearDeal pic.twitter.com/BRCV0PJRCk
Распонот на крилата му е 65 метри, колку што е и долг. Максималната тежина која може да ја понесе е 270 тони.
Внатрешноста е декорирана во неокласичен стил, светли бои, со многу бела кожа и златни детали.
Рускиот претседател има флота од четири идентични авиони.
Од безбедносни причини, дури пред патот се бира со кој авион ќе патува претседателот, но тој податок им е познат на малку луѓе. Преостанатите три или само еден авион го следат авионот кој е одбран за патот.
Ни американскиот "Air Force One", официјалниот авион на американскиот претседател не е ништо помалку луксузно опремен. Модифицираниот "Boeing 747-200S" им служи на американските претседатели од 1987. година, но самата компанија "Boeing" е задолжена за превоз на претседателите на Америка веќе половина век.
Авионот има 372 метри квадратни и како и авионот Путин, поседува команден центар во случај на непредвиден напад на САД.
Авионот има и две кујни, теретана и туш кабина, а вкупно е опремен со 87 телефони и опрема за видео-конференциски повици. Уште една предност на овој "Boeing" е што може да го дополни резервоарот во воздух.
Се претпоставува дека цената на авионот е милијарда долари.
The next Air Force One could be red, white and blue https://t.co/gjLYh8DHZC pic.twitter.com/w22NnMax4D
— CNN (@CNN) July 12, 2018