Бразилскиот голман Алисон Бекер ќе се пресели во Ливерпул во најголемиот голмански трансфер во историјата, а римскиот клуб ќе инкасира 75 милиони евра.
Италијанските медиуми пренесуваат дека Римјаните веќе се во потрага по наследникот на Алисон, а на врвот на листата со желби Рома е голманот на ПСЖ, Ареола, како и голманот на Барселона, Јаспер Силесен.
Сепак, тоа не е се, па дел од парите од трансферот на Бекер, Рома ќе ги потроши и на уште неколку засилувања. Наводно, римскиот клуб е заинтересиран за услугите на шпанскиот офанзивец на Милан, Сусо, како и офанзивецот на Бордо, Малком.
Да потсетиме, Рома ова лето исто така остана без Раџа Наинголан, а на „Олимпико“ од позвучните имиња пристигнаа Хавиер Пасторе, Џастин Клајверт и Брајан Кристанте.