Италијанската модна куќа Dolce & Gabbana покрена тренд за тинејџерите и познатите кои често ги ангажира за своите рекламни кампањи и ревии.
Рекламната кампања наменета за мажите есен/зима 2018 не е исклучок, а снимена е во Милано пред препознатливата катедрала Дуомо.
Ѕвезда на кампањата се Остин Махон, младиот пејач и текстописец, Раферти Лоу, манекен, Интернет ѕвездата Камерон Далас и многу други прославени тинејџери.
Поради тоа не треба да нè чуди хештегот на сите фотографии #DGMILLENNIALS и #DGMILANO.
Младите манекени носат исклучително атрактивни парчиња облека од новата колекција која ни претставува многу впечатливи трендови, леопардов дезен, цветен принт, логотипи и натписи.
Целокупната кампања е живописна, разнобојна и позитивна со многу силни бои и смели комбинации што се карактеристика за овој бренд.