Германија, за многумина е земја во која соништата се остваруваат, земја во која платата е висока и животот е далеку подобар отколку на Балканот.
Овој пат нема да дискутираме дали тоа е точно или не, но можеме да потврдиме еден факт - Германија е најдоброто место на светот за вистинските љубители на автомобилите.
Доколку сте човек кој сака автомобили, тогаш Германија е земјата која морате да ја посетите, а еве и зошто:
Добро познат факт е дека на германскиот Аутобан нема брзински ограничувања, што значи дека можете да возите и 300 км/ч., доколку вашето возило ви го дозволува тоа. Оние кои возеле на Аутобан велат дека тоа е најдоброто возачко искуство.
Музеј на класични автомобили во Берлин
Доколку отпатувате за Берлин, задолжително посетете го музејот "Classic Remise" кој ги содржи едни од најубавите и најекслузивните колекции на класични автомобили на светот. Тука можете да пронајдете неверојатни модели кои најверојатно нема да можете да ги видите на друго место.
Аутоштад во превод значи "авто град" и во него ќе пронајдете буквално се што е поврзано за автомобилите и автомобилската индустрија. Слободно може да се каже дека ова место е Дизниленд за автомобилските љубители, а истото се наоѓа во Волфсбург.
Музеј на "Mercedes" во Штутгарт
Ова е најголемиот музеј на Мерцедес кој содржи над 200 различни возила кои можете да ги разгледувате. Зградите во кои се наоѓаат возилата се овални и стаклени, така што покрај возилата, ќе имате можност да уживате и во најмодерната архитектура.
Уште еден музеј кој мора задолжително да го посетите - тука ќе имате прилика да ги видите најновите, но и некои од класичните модели кои го направиле овој бренд еден од најпопуларните на светот.
Музеј на "Porsche" во Штутгарт
Во овој музеј ќе можете да видите над 80 "Porsche" модели, а ќе имате прилика и да видите модели кои се уникатни и кои се единствени во секоја смисла на зборот.