Раперот Шон Комбс, познат по надимакот Пи Диди ја прекина 11 годишната врска со пејачката Кеси Вентура, пренесува People.
Парот наводно веќе неколку месеци не бил заедно, а за магазинот веста ја откри нивен близок пријател, кој додаде дека останале пријатели.
Диди и Кеси се запознале во 2000 година кога таа потпиша за неговата продуцентска куќа Bad Boy Records, а гласините дека тие се заедно започнаа да се шират во 2007 година. Сепак, пет години подоцна парот призна дека е во врска. Ова наводно не им е првото раскинување, бидејќи како што пренесува ENews, во 2016 година исто така направиле кратка пауза.
Нивното последно заедничко појавување беше на црвениот тепих на Мет Гала оваа година.
Она што е интересно е дека се шират гласини како раперот пронашол нова девојка, 26 годишната манекенка Џоселин со која беше забележан во Мајами на концертот на Дрејк.