Lamborghini Urus ST-X: Супер SUV создаден да владее со патеките
Одделот на Lamborghini, Squadra Corse е многу активен во последно време, а истиот неодамна ја претстави тркачката верзија на својот SUV Urus, а тоа е Urus ST-X Concept.
Возилото е наменето исклучиво за тркачките патеки, а од продукциската верзија се разликува по подобрите перформанси, мат зелената боја и безбедносните елементи кои се одобрени од страна на Светската автомобилска федерација, вклучувајќи и челичен заштитен кафез, противпожарен систем и FT3 резервоар за гориво.
Овој моќен SUV има хауба од јаглеродни влакна и поголеми доводи за воздух за лесно ладење на twin-turbo V8 моторот. Моќта е иста – 650 коњски сили и 850 Nm, но ST-X Concept е 25% полесен од производната верзија на Urus.
Тука се и задното крило, хексаголниот тркачки ауспух и сет од 21-инчни алуминиумски тркала со гуми Pirelli.
Тркачката верзија на Urus не е само за покажување бидејќи компанијата ќе го користи во првенството на еден произведувач. Овој натпревар ќе дебитира во Европа и на Блискиот исток во 2020 година.
