"Google Earth" снимил делови од подводен ѕид кој се простира по дното на Тихиот и Атлантскиот океан и ја окружува нашата планета.
Истражувачите тврдат дека овој подводен ѕид е подолг од 10.000 километри, а најјасно се гледа во близина кај брегот на мексиканската сојузна држава Долна Калифорнија.
Координатите се 12°8’1.5″N, 119°35’26.4″W. Исто така, велат дека ова не е природен феномен, туку дело на рака - или од човечка, или од некој друг напреден вид.
Пред неколку години едно момче кај брегот на Мексико забележало пирамидална структура. Иако на почетокот се мислело дека тоа е мајанска пирамида, набрзо се појавиле тврдења дека ја изградила цивилизација која живеела пред Маите.
Скептиците велат дека треба да се биде внимателен, бидејќи теоретичарите на заговори и НЛО ентузијасти често на снимки од "Google Earth" наоѓаат докази за своите убедувања.