Никој не веруваше дека ќе успеат: Заедно се 8 години и строго ја чуваат својата приватност
Малкумина се оние кои веруваа дека врската на овој пар ќе потрае. Манекенката Роузи Хантингтон Вајтли (31) и глумецот Џејсон Статам (51) се заедно од 2011 година кога се запознале на снимањето на филмот "The Transformers".
Всушност никој не верувал дека глумецот конечно ќе успее да се скраси, но сепак се појави девојката која го освои неговото срце.
Никогаш не сакале јавно да говорат за нивната врска, па така светот за нивната веридба дозна дури во 2016 година, кога манекенката го покажа вереничкиот прстен на црвениот тепих.
Сепак, тие сè уште не се венчале, бидејќи тоа не им е приоритет. Во 2017 година го добиле синот Џек Оскар, а на социјалните мрежи речиси воопшто не објавуваат за нивните интимни моменти.
Ниту разликата во годините не била препрека за овој пар успешно да биде осум години во среќна врска.
