Стави крај на гласините за женидба: "Тоа не е вистина, засега нема да има свадба"
Неодамна во медиумите се појави вест дека фудбалерот Кристијано Роналдо ја запроси својата девојка Џорџина Родригез. Прво се нагодувало дека се вериле кога Џорџина била фотографирана со прстен на раката, а после тоа парот неколку пати беше уловен како оди во црква па многумина сметале дека се подготвуваат за свадба.
Сепак, славниот фудбалер и понатаму ќе го задржи ергенскиот статус.
"Уште ништо од свадба. Сега објаснив сè и ги прекинав шпекулациите кои се појавија. Имено, папараците ме фотографирале кога бев во црква и веднаш помислиле дека со Џорџина се подготвуваме за свадба. Тоа не е вистина. Кој знае што ни носи иднината, но засега нема такво нешто", рекол Роналдо и додал:
"Јас сум католик и во црква одам секоја недела за да му се заблагодарам на Бог за силата која ми ја дава и се молам да ја заштити мојата фамилија и пријатели", рекол еден од најдобрите фудбалери на денешницата за италијанскиот магазин "La Gazzetta dello Sport".
Џорџина и Роналдо имаат заедничка ќерка Алана Мартина и уште три деца кои на свет ги донесе сурогат мајка.
