Никогаш возени примероци на BMW од 1994 година пронајдени во бугарско складиште

Складиштето се наоѓа во градот Благоевград во југозападна Бугарија, а се работи за десет седани и еден караван. Сите автомобили се произведени во 1994 година, но никогаш не биле регистрирани за градска употреба. Повеќето од нив се примероци на моделот 520, но има и неколку примероци од помоќниот модел 525.  

Изворите тврдат дека автомобилите биле купени за рент-а-кар услуги во раните деведесетти години, но никогаш не добиле регистарски ознаки.

Фотографиите ги прикажуваат одличните германски седани во нивната моментална состојба која не е баш идеална и веројатно е резултат на лоша грижа. Сепак, внатрешноста останала беспрекорна, а во некои автомобили се' уште стои заштитниот најлон. 

Доколку може да им се верува на гласините, автомобилите ќе бидат продавани во следните неколку месеци, а почетната цена наводно ќе изнесува 15 илјади евра.

Интересно, овие автомобили не можат да бидат регистрирани во Бугарија поради Еуро стандардот за емисии на издувни гасови.