Ги остварил своите соништа: Слепиот Пател седнал зад управувачот на спортската Toyota на патеката на Top Gear
Иако не ја освоил титулата за најбрз слеп возач, овој Британец сигурно цел живот ќе ја памети ваквата авантура.
Д-р Амит Пател го изгубил својот вид во 2013 година и оттогаш не седнал зад управувачот на автомобилот. Но, благодарение на Toyota и храбриот инструктор, таа прилика му била повторно овозможена – Амид добил шанса да го вози спортскиот GT-86 на патеката на Top Gear.
Целта била да го извози кругот за помалку од две минути, а конечното време кое тој го остварил биле нереални 1:46 минута. Снимката од возењето, како и впечатоците кои Пател ги споделил, можете да ги погледнете од видеото во продолжение.
