Хотелот "The Venetian" во Лас Вегас нуди неверојатен аранжман наречен "Want the World"
Ако постои град во кој важи изреката "повеќе е уште повеќе", тогаш тоа дефинитивно е Лас Вегас.
Споменатиот хотел нуди аранжман кој опфаќа доаѓање и заминување со приватен авион, личен батлер и торта украсена со дијамантски гердан.
Ако се прашувате која е цената на ова задоволство, станува збор за скромни 450.000 долари.
А вака изгледа планот за патувањето:
- Пристигнувате во Лас Вегас со приватен авион, каде ве дочекува автомобил од марката "Maybach", кој ќе ве однесе до хотелот.
- Ќе се сместите во апартман од 6.500 квадратни метри, кој ќе биде ваш дом во наредните шест вечери.
- Цело време на услуга ќе имате батлер.
- Ќе спиете во свилени пижами.
- Ќе можете да пиете Моет во неограничени количини.
- Ќе ве послужат со торта украсена со два и пол каратен дијамант, како и дијамантски ѓердан и прстен од златарницата Белусо.
