На Твитер се појави порака за луѓето кои се фотографираат пред поранешниот концентрационен логор и таквите фотографии ги споделуваат на социјалните мрежи.
“Кога ќе го посетите музејот Аушвиц, сетете сте дека сте на место каде се убиени над еден милион луѓе. Почитувајте го споменот за нив. Постојат подобри места на кои можете да научите да држите рамнотежа од местото кое симболизира депортација на стотици илјади луѓе во смрт”, стои на официјалниот Твитер профил на “Auschwitz Memorial”.
When you come to @AuschwitzMuseum remember you are at the site where over 1 million people were killed. Respect their memory. There are better places to learn how to walk on a balance beam than the site which symbolizes deportation of hundreds of thousands to their deaths. pic.twitter.com/TxJk9FgxWl
— Auschwitz Memorial (@AuschwitzMuseum) March 20, 2019
Објавата добила речиси 23 илјади лајкови и е споделена над 10 илјади пати, а многумина во коментари се сложиле со нив.
“Оваа објава е и тоа како потребна. Навиката секаде да се фотографираме започна да излегува од контрола. Можеби ќе го посетам Аушвиц и ќе внимавам да се држам до вашите правила. Ви благодарам за сѐ што правите, ако немаме спомени, немаме ништо”, гласи еден од коментарите.
This is a very necessary post, our picture-taking habits are completely out of control. I may be visting in the summer, I will make sure I am aware of your photography policy. Thank you for all the essential work you continue to do. Without our historical memory we are nothing.
— Francesca (@Just__Fran) March 20, 2019
“Не ми е јасно зошто луѓето сакаат да се фотографираат во Аушвиц и зошто објавуваат весели селфија на местото на кое се убиени илјадници невини луѓе. Едноставно не ми е јасно”, се сложил друг корисник на Твитер.
Сепак, имало и такви кои го сметале ваквиот твит за непотребен.
“Го посетив Аушвиц со своите деца. Мојата мајка го преживеа Холокаустот, а многу членови од нејзиното семејство не го преживеаја. Мислам дека оваа објава не е во ред и дека сакате преголема контрола. Престанете да ги терате луѓето да се држат до вашата верзија за тоа што е почит”, напишала една личност.