Католичкиот свештеник бил избоден пред десетина шокирани верници во текот на утринската миса во црквата Свети Јосип во Монтреал во Канада.
Полицијата во Монтреал соопштила дека по повикот утрово во 8:40 по локално време излегла на самото место, а дека обезбедувањето осомничениот маж за овој напад го совладало.
Во извештајот на полицијата се наведува дека нападнатиот свештеник Клод Гро претрпел полесни повреди на горниот дел од телото и дека бил одведен во болница.
Напаѓачот потрчал кон свештеникот во текот на мисата, му пришол од зад грб и го нападнал со остар предмет, а целиот настан бил забележан со камера, соопштиле од полицијата.
Напаѓачот е уапсен и би требало да биде сослушан во текот на денот, а засега не се познати мотивите за овој напад.
