20-годишниот Михаил Арсовски е студент на ФЕИТ кој има премногу успеси во полето на физиката. Во јавноста е познат како „Идниот Никола Тесла“, поради големите регионални успеси кои ги постигнал. Прочитајте во продолжение за што точно станува збор.
Уште како мал имав афинитети кон науката и техниката, можам да кажам дека денешниот развој на науката и техниката е во неверојатен развој и информациите и податоците се полесни за добивање отколку во минатото. Исто така и архивирањето на податоците е во помали уреди и на овој начин се компактибилни за пренесување.
Сум се натпреварувал на многу натпревари од областа на техниката, првата област од моето натпреварување беше во Радио Аматерска Гониометрија – АРГ една област која во денешно време не е многу развиена и луѓето за жал не знаат за каква област станува збор. Втората област беше Применета Физика, па потоа Електротехника и електроника. Сум бил на многу меѓународни саеми - во Чешка, Босна и Херцеговина, Бања Лука… Истотака и ние во Македонија имаме меѓународен саем организиран од Меѓународната Асоцјација на пронаоѓачи на Северна Македонија НАИМ.
Имам конструирано 5 иновации досега. Дел од нив се наградувани со првите 3 места, а некои и со признание. Пласманот е исто така важен, но дружењето со колеги од Македонија и странство е нешто што не може да се опише. Она на што сега работам е уредот за Автоматско следење на сонцето и производство на електрична енергија, за кој е почната постапката за патентирање.
Да, точно е дека со сето тоа се занимавам. Освен техниката тука е и фотографирањето, кое ми е голема пасија, но пред сè ми е факултетот на кој студирам, Феит. Секогаш може да се најде време за сето она што сакаш да го правиш. Член сум на Фото Сојуз, тоа е сојуз на фотографи. Менаџирање на времето ми е силна страна.
Поддршка секако најмногу добивам од родителите, но во секој случај морам да ги споменам и пријателите. А кога веќе сме кај “пофалбите“, морам да го споменам мојот драг пријател, асистент и менаџер кој неуморно учествува во моето медиумско промовирање - Марко Шипка.
Сакам сите идеи кои ги имам замислено од областа на иноваторството да ги имплементирам, а се разбира и да ги патентирам. Засега тоа ми е најголема цел кон која се стремам.
Прво, и најважно од сè е никогаш да не се откажуваат од она што го сакаат. Без разлика дали тоа е спорт, музика, некоја друга уметност или нешто сосема друго, важно е посветено да работат за да постигнат успех. Ништо не е невозможно ако силно се сака. Еве, јас можам да бидам пример за тоа дека не мора да си заминеш од земјата за да ги оствариш целите.
Автор: Цеце Николова