А, сега ве испраќаме на патување во Тајланд со Дунавка Трифуновска, која ќе ви овозможи да ѕирнете работи кои доколку одите сами можеби и нема да ви бидат дозволени, бидејќи таа била таму во својство на мисица. 

1. Што е она според тебе што го прави Тајланд најпривлечна дестинација последниве години, особено мислам на Европејците како туристи? 

Азија и Европа се два различни континенти со различна смисла на постоењето. Мислам дека не сакам да си признаам дека европскиот начин на живот се повеќе го напуштаме после реализацијата во едукативна и материјална смисла, не само како територија. Тие долги зими, промената на климатските услови како и временската зона значат многу за еден квалитетен живот, а сето тоа спакувано во фамозна природа која ќе ве остави без здив. 

[Посета на еко-ресорт во кои се применуваат древните техники на миење и масажа на стапалата, а се користат органски креми и масла и сапуни кои ги произведуваат со векови]

2. Што треба да се научи од локалците, каков менталитет преовладува? 

Сепак моќта на Азија не е “вулгарно” гласна на ниту еден континент, тие секогаш ќе ве привлечат со бескрајна почит, слатката љубезност, тивката мудрост и насмевката која е секогаш нацртана на нивните лица и ќе ве дочекаат со зборовите добредојдовте во земјата на насмевките-Тајланд. Не постои превозно средство кои тие не го користат. Едноставно непостои. Не постои нешто што тие не можат. 

[Посета на специјалните органски работилници за изработка на шешири од бамбус и шеќерна трска]

3. Во кој период од годината е најдобро да се посети?  

Годишното време е клучно за посета ако не сте способни да се адаптирате на условите. Тропската клима е незгодна кога во Европа е лето, па ако сте паметни секогаш ќе се појавите во Тајланд кога Европа е под мраз. Дождовите се секојдневие особено во европска есен но се е покриено и заштитено, нивото на безбедност е секогаш на највисоко ниво. 

[Посета на еден од најубавите острови во Заливот на Тајланд заштитен од УНЕСКО]  

4. Факти кои нема да ни ги кажат во туристичка агенција, а треба да ги имаме на ум доколку се решиме да го посетиме Тајланд? 

Самото патување е предизвик бидејќи трае повеќе од 12 часа, треба да одберете сигурен авиопревозник и апсолутно не препорачувам тоа да го правите на своја рака. 

[На плажата каде е сниман филмот The Beach во 2000 со Леонардо Ди Каприо попозната како Maya Bay]

5. Што препорачуваш да се посети? 

Пред да го посетите Кралството на Тајланд треба да знаете дека Бангкок, главниот град кој уште се нарекува Градот на ангелите бидејќи не спие. Бангкок е метропола и е една од 10-те најпосетувани дестинации во светот. Тој е религиски, филмскикултурен а од пред некоја година и центар на светската убавина.

Секако прво ќе го посетите Гранд Палас, кралската резиденција во која и денес се одржуваат кралските свечености. Потоа домот на Буда. Религијата е почеток и крај. Статуата на Буда е изработена целата од злато како и неговиот храм кој се нарекува Пагода.

Секако крстарењето по Chao Phraya со крузерот, дава посебно обележје на метрополата, особено во ноќните часови. Резиденцијата на Кралот Рама2 , во која се одбележува дефилето на националните носии. Сите религиски храмови, резиденции на кралското семејство и на најпочитуваниот крал Рама, денес е музеј кој во зависност од пригодата се користат.

[Мојата цимерка Мис Франција по посетата на еден од ресортите со специфичен вид на тропски растенија и освежување со кокосови плодови]

6. Кои се искуствата со кои се врати побогата од пред да отидеш?

Тајланд е чудесен. Островите како Koh Samui, Phuket, Koh Lanta и се останато што може да го има во себе Индискиот океан, совршениот подводен свет, плажите со бел песок, совршената температура на водата, забавите на полна месечина, совршените view- point што ги освојуваат блогерите, дивиот,но питом животински свет како слоновите, мајмуните, кучињата и мачињата, совршените слатки пијалоци, целата органска храна и ресорите со совршен поглед на океан каде е се обвиено во еко и нема никаква пластика го направија од чудесен-вечен, а филмската индустрија онаа најмоќната го врами во филмовите The Beach во 2000, Around the world in 80 days,The Big Boss The Man with he Golden Gun,The Ugly American, и многу други. Слободата што ја имаат луѓето во Тајланд, а е дадена од самиот крал, целиот свет го остава без здив, Балканците особенo.

[Мојот омилен ресорт Spa Koh Chang каде имавме модна ревија на плажа и фалафел забава]

7. Каков е односот кон туристите? 

Тајланѓаните секогаш ќе ве пречекаат топло со насмевка, љубезност и почит.

[Официјалното претставување пред членовите на кралското смеејство на Тајланд]

8. Каде престојуваше, на кој остров?

Ги посетивме трите острови Koh Samui, Phuket и Koh Lanta.

[Селфито како highlight на плажите со бел песок кои се затворени за туристите и се заштитени како посебни еко-системи, со официјалните убавици на Тајланд, Романија, Гана, Гватемала, Мјанмар]

9. Се запозна ли одблиску со подводниот свет?

Да, и можам да кажам дека имаат совршен подводен свет.

[Посета на делфиниумот во близината на Pataya]