Каде ќе ги „полни батериите“ Ања ова лето? 

- Ова лето сум како турист. Се вратив од Америка и ќе останам тука во Европа три месеци. Тоа значи дека имам во план да патувам, да се дружам со моите пријатели, да ги видам роднините и да уживам во летото. Мора да се најде време и за рекреација, па јас се одлучив да одам кај нашиот сосед во Грција. Планирам да ги посетам и Италија и Хрватска до крајот на летото.

Концертите знаат да бидат незаборавно доживување, особено ако изведувачите „не се гледаат секој ден“?

- За неколку недели ќе одам да се забавувам и да ги пеам хит песните на Малума на неговиот концерт во Софија, Бугарија.

Твоите фанови очекуваат нешто ново и на музички план, ќе имаш време?

-  Во план за ова лето ми е да снимам неколку песни кога станува збор за мојата кариера. Тоа би можела да навестам само, рано е да се зборува за тоа, секако вашите читатели ќе бидат благовремено информирани кога ќе има нешто ново на музички план.

Кога се враќаш во Бостон?

- Ова лето за мене ќе биде кратко , но слатко, исполнето, бидејќи на крај на август се враќам назад во мојот втор дом во Бостон.

(А.В.)