Арсенал ќе продолжи да биде активен на трансфер пазарот и покрај тоа што потрошија 130 милиони фунти за носење нови играчи ова лето.
Директорот Џош Кроенке најави дека клубот ќе троши пари и во јануарскиот преоден рок со цел дополнително да го зацврсти тимот за долгорочна основа.
– Не бевме пасивни ова лето, туку бевме доста активни. Истото ќе биде и во јануари. Мора да разгледаме некои работи на краткорочен план, а кога ќе дојде јануари ќе размислуваме и долгорочно, па повторно ќе бидеме доста активни, -истакна Кроенке.
Во летниот преоден рок Арсенал се засили со Николас Пепе, Кјеран Тиерни, Давид Луиз, Дани Себалјос, Габриел Мартинели и Вилијам Салиба, нешто што ретко се случува во тимот од „Емирејтс“.