Семејството на американскиот претседател Доналд Трамп станало побогато за уште еден член.
Актуелниот претседател на САД станал дедо по десетти пат, а тоа го објавил неговиот син Ерик на социјалната мрежа Твитер.
Ерик Трамп и неговата сопруга Лара станале родители на девојчето Каролин Дороти Трамп. Ова им е второ дете, а тие веќе имаат едногодишен син Ерик Лука Трамп.
Синот на американскиот претседател на Твитер ја споеделил радосната вест: „Веќе те сакаме!“.
.@LaraLeaTrump and I are excited to welcome Carolina Dorothy Trump into the world. We love you already!
— Eric Trump (@EricTrump) August 20, 2019
Доналд Трамп има пет деца со три различни жени. Неговиот најстар син има пет деца додека пак неговата ќерка Иванка има три деца.
Ерик Трамп е трето дете на американскиот претседател. Тој е извршен директор на организацијата Трамп заедно со својот брат.
Лара Трамп е поранешна новинарка и вклучена е во работата за заштита на животните, а заедно со својот сопруг ја управува фондацијата Ерик Трамп, која ги финансира болните деца.
Таа исто така е и висок функционер во кампањата на Трамп за претстојните избори што ќе се одржат во 2020-та година, а често на телевизија ги брани ставовите на својот свекор.
