Холивудската актерка Сара Џесика Паркер е воодушевена од македонскиот документарен филм “Медена земја”.
Таа на својот Инстаграм профил објави фотографија од филмот под која напиша дека има причина зошто овој филм ги освојува сите награди и признанија.
‘”Медена земја” е неверојатна, визуелено зачудувачка, интимна но сепак епска приказна за пчеларката Атиџе Муратова. Жена која нема никогаш да ја заборавам!”, напишала Паркер на Инстаграм и додала:
“Честитки за авторите Љубомир Стефанов и Тамара Котевска и ви благодарам што нѝ дозволивте да патуваме со вас во малото место во Република Македонија. Вас двајца јас ќе ве следам секаде”.
“Медена земја” е филм за Атиџе, последната жена-одгледувач на диви пчели во Европа, која живее сама со својата мајка во централна Македонија. Ова е најнаградуваниот македонски документарен филм, кој на почетокот на оваа година се закити со 3 главни награди на престижниот фестивал “Санденс”. “Медена земја” е и македонскиот кандидат за Оскар.