Драгиша на 17 години почнал да тренира бокс додека веќе следната година бил капитен на првиот тим и самостојно боксувал против тогашнит двократен првак на државата.

Станковиќ во неговата кариера боксувал за “Работнички“ од Ниш и “Партизан“ од Белград. Во кариерата имал 520 натпревари од кои остварил 512 победи и 8 порази. Како професионалец имал 20 натпревари и 20 победи со дури 19 нокаути.

Во текот на бомбардирањето тој на војската ѝ поклонил 30 тони кафе и покажал колкав патриот е така што се откажал од својата пензија во корист на државата.

Се дружел со жестоки момци од белградскиот асфалт

Некое време боксувал во Германија каде што тренирал и се дружел со Љубо. Менаџерот Бруно Милер го уценил дека мора да го предаде натпреварот на германскиот шампион во спротивно ќе ја уништат неговата кариера. За тоа му биле понудени 250.000 марки. Принципиелниот Челик го нокаутирал шампионот па потоа ја завршил својата кариера во 70-те години.

Челик - најсреќниот човек во поранешна Југославија

Станковиќ се појавувал во медиумите како контроверзна личност - претставен како коцкар, но и еден од најголемите среќници во поранешна Југославија (двапати добил премија во играта Лото и 14 пати по ред главната премија на спортска поради што подоцна бил намален добитниот фонд во обложувалниците).