Кремастиот сос наречен “Алфредо” е кулинарски сон. Тој настанал во Рим, во 1920 година, а го создал Алфредо ди Лелио. До денес, ова е омилен сос кој се додава во многу јадења, пред сè во тестенини, но се служи и со варен зеленчук, месо на скара итн. 

Еве како да го подготвите превкусниот Алфредо сос:

Потребни состојки:

- 2 лажички путер

- 2 чешниња лук (рендани)

- 1 шолја неутрална павлака за готвење

- сол, бибер

- ½ шолја свежо изрендан пармезан

Начин на припрема:

1. Растопете го путерот на тивок оган и во него додадете го изренданиот лук.

2. Пропржете малку, па додадете ја неутралната павлака.

3. Додадете сол и бибер, а потоа ставете го и ренданиот пармезан.

4. Мешајте додека состојките не се соединат, а потоа прелијте преку пастата.

5. Изрендајте уште малку пармезан врз шпагетите и по желба додадете неколку листови магдонос.

Уживајте!