Десет години го криела љубовникот на таван: Кога сопругот одлучил да се преселат приказната почнала морничаво да се комплицира

Доли Остерих (32), домаќинка, била омажена за Фред Остерих.

Машината за шиење на Доли ѝ се расипала во далечната 1913-та година, а Фред го донел Ото Санхубер (20) за да ја поправи.

Љубовните искри помеѓу Ото и Доли се појавиле на прв поглед, а набрзо потоа станале љубовници.

Се сретнувале во хотели или пак во куќата кога сопругот на Доли не бил дома. Набрзо соседите почнале да си поставуваат прашања, а Доли им кажувала дека тоа е нејзиниот полубрат.

Сепак, соседите станале многу љубопитни, па Доли дошла до идејата љубовникот да го сокрие на таванот.

Ото дал отказ на работното место, се вселил кај љубовницата на таванот и почнал да пишува книга.

Пет години подоцна Фред ѝ рекол на Доли дека треба да се преселат во Лос Анџелес, а таа побарала куќа со таван бидејќи мислела и на својот љубовник. Наредните четири години Доли, Ото и Фред живееле на ист начин сè додека во 1922-та година Доли и Фред не се скарале.

Ото тоа го слушнал од таванот, влетал со пиштол и го убил Фред. На полицајците им кажале дека станувало збор за обид за грабеж, а бидејќи немало доволно докази набрзо и двајцата биле ослободени од обвиненијата.

Доли се преселила во друга куќа, а Ото заминал со неа, но и понатаму продолжил да живее на таванот. Набрзо Доли пронашла нов љубовник, адвокатот Херман Шапир, а потоа уште еден, Рој Клумбо.

Седум години подоцна Шапир ѝ раскинал на Доли и ја известил полицијата за злочинот. Тој само еднаш се сретнал со Ото кој сè му раскажал.

Случајот се водел како застарен па така по кратко судење Доли и Ото биле ослободени.