Младиот актер Џек Бурнс починал на 14 годишна возраст. Пронајден е мртов во својот дом, а причината сè уште е непозната.
Бурнс бил член на танчерската академија „Elite“, а поради својот неверојатен талент на само 9 години освоил место во престижната балетска школа во Глазгов, пренесува Metro.
„Со тешко срце ви ја пишуваме оваа порака, за смртта на нашиот студент Џек Бурнс, кој трагично нè напушти на 1-ви декември. Џек беше инспирација за сите во Elite, ги допре сите кои со задоволство работеа и играа со него. Сите сме со прашалници и во потрага по одговори“, рекле од академијата каде одел актерот.
Освен завидната танчерска кариера, тој бил на добар пат и во актерската, па се појавил во неколку ТВ серии. Публиката најмногу ќе го памети по хитот на Нетфликс Outlander.
Денеска сите се опростуваат од младиот актер.
„Почивај во мир 14-годишна ѕвездо. Благодарение на талентот доби место во престижната балетска школа. Убаво спиј, Џек“, напишал музичкиот менаџер, Џон Шефилд на Твитер.
Rest in Peace 14 year old Ballet Star Jack Burns from Greenock, who has died suddenly, such a young talent, achieved a place at the prestigious Glasgow Ballet School aged 9, condolences to Parents & Brother. Sleep tight Jack. pic.twitter.com/Kyd0B9J8ES
— John B Sheffield (@jaybs) December 10, 2019
„Почивај во мир Џек Бурнс, ѕвездо на Outlander“, напишала една обожавателка на серијата и Бурнс.
@Outlander_STARZ #outlander ohhhh rip #jackburns
— gueantlegland (@lifawwells) December 11, 2019
