Ешли Јанг во следните неколку часа и официјално треба да биде претставен како нов фудбалер на тимот на Интер.
Капитенот на Манчестер Јунајтед се согласил на двегодишен договор со „нероазурите“, а Манчестер Јунајтед за него ќе добие симболична сума од околу два милиони евра.
Дека трансферот е пред реализација потврди и Оле Гунар Солскјер кој го посочи и името на новиот перманентен капитен на Манчестер Јунајтед.
– Хари ја носи капитенската лента и ќе продолжи да ја носи. Тој е лидер во групата, а јас не сум изненаден туку импресиониран од неговите вештини за водење, затоа тој ќе продолжи да ја носи капитенската лента, - изјави Солскјер.