Во ирачкиот град Мосул е уапсен озлогласениот џихадист Шифа Ал-Нима кој додека се криел во своето засолниште толку многу се здебелил, што не можел да биде внесен во полицискиот автомобил.
Ноторниот „муфтија“ Ал-Нима се смета за „големо апсење“, а неговото засолниште го откриле ирачките безбедносни сили,
Од ирачката полиција соопштија дека станува збор за еден од највисоко позиционираните лидери на Исламската држава кој наредил уништување на бројни културни богатства.
Британецот Масер Гифорд кој се борел против Исламската држава во Сирија, на Твитер не го криеше своето задоволство од апсењето на Ал-Нима.
„Воодушевен сум поради тоа што "Jabba the Hut" на Исламската држава е уапсен во Мосул. Тој е одговорен за егзекуција на мажи, жени и деца. Ова животно силуваше и убиваше“, напиша Гифорд.