Повеќе од една година на улиците на француските градови траат протестите на „Жолтите елеци“ кои се противат на реформите на претседателот Емануел Макрон.
Големи нереди имаше и овој викенд, а ситуацијата излезе надвор од контрола во Лил. Демонстрантите превртија еден автомобил и демолираа и запалија уште неколку, по што полицијата беше приморана да реагира со пендреци и солзавец.
Инаку, ова е 67-ми протестен викенд и прв пат Макрон да ги повика претставниците на „Жолтите елеци“ на разговори во Елисејската палата.
„Направете една група на претставници и без проблем ќе ве примам, јас сум за дијалог. Ќе резервираме еден час и ќе дискутираме“, порача францускиот претседател Емануел Макрон.