Кристијано Роналдо Џуниор, најстариот син на фудбалерот Кристијано Роналдо, отвори профил на Инстаграм.
Корисничкото име му е, сосема логично, Minicristianoronaldo2010. 9-годишникот првото видео го објави пред два дена, а веќе го следат милион корисници.
Во првата снимка, која досега е прегледана 3,5 милиони пати, момчето се претставува на четири јазици - англиски, шпански, италијански и португалски.
За тоа дека славниот татко се согласил со тоа син му да има профил на Инстаграм, покажува со тоа што под видеото му ставил емоџи со бакнеж.
Потоа малиот Роналдо објави фотографија со својот брат и двете сестри во када со татко им.
На последната објавена фотографија насмеан позира со вереницата на неговиот татко, Џорџина Родригез, на миланската модна недела.
