Taa јавноста ја навикнала на екстравагантни изданија, а ова навистина е едно од највпечатливите.
Пејачката со албанско потекло, Рита Ора (29), со својот стајлинг привлекла големо внимание минатата ноќ во Западен Холивуд.
Со провокативниот стајлинг предизвикала вистински неред пред ресторанот, а припадниците на посилниот пол не можеле да не ги забележат атрибутите на пејачката која свесно ги ставила во прв план.
Рита прво прошетала во некој ресторан каде што уживала со своите пријатели, облечена во сребрен топ и панталони во кафеава боја.
Освен многубројните тетоважи кои го краселе нејзиниот грб, на пејачката ѝ се наѕирале и градите.
Малку подоцна, пејачката одлучила да продолжи со своето забавување и се упатила кон ноќен клуб, но во малку поразлично издание.
Таа панталоните ги заменила со кожно здолниште во црна боја со изрез до колена и црни чизми додека истиот топ едвај ги прекривал нејзините гради.
