Претседателот на САД, Доналд Трамп денес изјави дека очекува Саудиска Арабија и Русија да стават крај на војната околу нафтата и дека драстично ќе го намалат производството.
„Очекувам и се надевам дека ќе биде намалено производството за околу 10 милиони барели, а можеби и значително повеќе, нешто што ако се случи, ќе биде одлично за индустријата на нафта и гас“, порача американскиот претседател на Твитер.
Тој подоцна наведе дека производството на нафта би можело да биде намалено за 15 милиони барели.
После твитот на Трамп, цената на сировата нафта експресно скокна за 20%, но и натаму е за 60% пониска во однос на почетокот на годината.
Just spoke to my friend MBS (Crown Prince) of Saudi Arabia, who spoke with President Putin of Russia, & I expect & hope that they will be cutting back approximately 10 Million Barrels, and maybe substantially more which, if it happens, will be GREAT for the oil & gas industry!
— Donald J. Trump (@realDonaldTrump) April 2, 2020
Преголемото производство во светот, во комбинација со економската криза предизвикана од пандемијата на коронавирусот доведе до пад на цената на нафтата на најниско ниво од 2002-ра година.
Саудиска Арабија повика на одржување на итен состанок помеѓу земјите членки на „ОПЕК“ и производители на нафта кои не се во таа група, неколку седмици подоцна откако започна „ценовната војна“ со Русија поради која падна вредноста на валутата.