Стивен Кинг: „Како никој не е подготвен за вирусот? За ова пишував многу одамна...“

Поминаа четири децении откако Стивен Кинг го напиша популарниот роман „The Stand“, за смртоносната епидемија која што усмрти поголем дел од човечката популација, а авторот на овој бестселер вели дека му е тешко да разбере како властите не увиделе дека коронавирусот пристигнува и како не презеле порано неопходни мерки.

„Само последните три или четири седмици луѓето ми велеа: Живееме во светот на Стивен Кинг. И се што можам да им кажам е дека би сакал да не е така“ – вели тој за Си-ен-ен, чија книга е продадена во над 350 милиони примероци ширум светот.

„На ова долго се чекаше, ја напишав „The stand“ за пандемијата која уништи половина од човечкото општество и фала му на Бог што оваа ситуација сега не е толку страшна како таа што ја опишав во книгата од 1979-та година. Не ми е јасно како никој не е подготвен на ваква ситуација“ – изјавил Кинг.

Кинг е познат по своите отворени критики кон Доналд Трамп, особено во врска со неговата реакција на пандемијата, а на својата листа на политичари од кои што е незадоволен се ноѓа и гувернерот на Флорида, републиканецот Рон ДеСантис.

Кинг, кој има куќа во Флорида и во Мејн, потсетил дека Трамп зборувал дека ‘ова не е ништо сериозно, да не се грижиме и дека сè ќе биде во ред’.

„А, потоа кога берзата почна да ‘умира’, кога реалноста беше поразлична почна да зборува: Само полека. Сè ќе се случи како некое чудо. Сè ќе биде готово до Велигден и ќе имаме полни цркви. За по неколку денови да зборува за карантин“ – истакнал Кинг па додал:

„Целата оваа ситуација ми делува како една заклучена штала, но сепак коњот е украден и тоа пред 10 дена“.