„Huawei“ и „China Mobile“ поставиле 5G мрежа на Монт Еверест на 6.500 метри надморска височона. Во поставувањето на мрежата учествувале 100 работници и користено било осум тони опрема, а покриеноста на сигналот овозможена е и на самиот врв, каде што брзината на интернетот е 1GB/s.

„Условите во кои што ја подготвувавме и поставувавме базната станица за 5G мрежа, беа многу тешки. Се надеваме дека на овој начин Монт Еверест ќе го доближиме до многу научници, истражувачи и вљубеници во природата, а „Huawei“ уште еднаш докажа дека цврсто верува во технологијата која што може овој свет да го направи подобро место“ – изјавил Ванг Бо, директор на одделот за достава и услуги во „Huawei“.

Отсега следење на експедиции во живо

Отсега сите кои што ќе се искачуваат на Монт Еверест од кинеска страна ќе можат да емитираат видео, со што тоа ќе биде неверојатно искуство и дополнително ќе биде поблиско за луѓето од целиот свет.

Исто така, веста за новите освојувања на врвот повеќе нема да мора да се чека со недели, денови или пак часови, туку ќе може да се следи во живо во висока резолуција.