Бендот 2Bе ја објави својата втора преработка од проектот „Backyard Sessions“. Оваа втора преработка е новиот хит „Watermelon Sugar“ на познатиот поп пејач Harry Styles.
Нивната прва преработка беше евергринот „Ова е само наше Скопје“ на Владо Јаневски. Младите браќа Тино (гитара) и Љупче Стојановски (вокал и гитара) и Синиша Зукиќ (тапани), како 2Be веќе активно се занимаваат со музика повеќе од 3 години. Овие преработки се снимани во домашни услови т.е. во нивниот двор.
Со овие две преработки тие сакаат да ни најават цело лето полно со вакви 'дворски сесии' кои им се во план. Поради вонредната состојба тие не можат да настапуваат со нивните живи свирки, но сепак и во вакви услови сакаат на публиката да и' подарат музика. Додека истовремено создаваат и нивна авторска музика, овие нивни „Backyard Sessions“ и нивните следни преработки ќе можете да ги слушнете на нивниот YouTube канал, Фејсбук страна и на нивните Инстаграм профили.
