По 4 години, светот сè уште е воодушевен од успехот на Вилијам Гадори од Квебек, но сепак научниците имаат поразлично мислење.
Неверојатното откритие на Гадори и понатаму го воодушевува светот – поминаа четири години откако тинејџерот преку Google Maps го откри изгубениот град на Маите, а никогаш во животот не чекорел во Мексико.
Комбинирајќи ја љубовта кон небото и фасцинантноста на календарот на Маите за крајот на светот, 15-годишниот Вилијам ги искористил сателитските снимки и ѕвездената мапа, па дошол до своето откритие.
Овој тинејџер верувал дека локацијата на градот на Маите би можела да се поклопува со ѕвездената консталација, а бидејќи анализирал 22 древни мапи и ги споредил со сателитските снимки, открил дека градовите на Маите одговараат на позициите на најсјајните ѕвезди.
Canadian teen William Gadoury may have discovered lost Mayan city - CBS News https://t.co/bM3ZPtzvmU
— PF Anderson @pfanderson@disabled.social (@pfanderson) September 23, 2017
Вилијам тогаш, како што објаснил, открил 23 соѕвездија со три ѕвезди, а едно од нив го поврзал со локација на границата на Мексико и Белизе и изгубениот град K’aak Chi, односно Огнена уста.
Само една година претходно, младиот археолог аматер успеал да се поврзе со канадската вселенска агенција и тие му дале пристап до снимките од споменатата локација со „RADARSAT“ – 2 сателити.
Тогаш било потврдено дека 15-годишното момче го открило големиот град со 30 градби и пирамида.
Lost Mayan city or not, we applaud William Gadoury's drive and thirst for discovery. #WilliamGadoury pic.twitter.com/xQkDFh2pvy
— Google Maps (@googlemaps) May 12, 2016
Неговото откритие одекна во светот, а научниците од вселенската агенција неговата работа ја опишале како исклучителна и ја одликувале со медал за заслуга.
Тинејџерот во 2016-та година изјавил зошто Маите издигнале градови далеку од реките, на оддалечени подрачја опколени со планини:
„Мора да постои причина за тоа. А, бидејќи ги обожувале ѕвездите, едноставно сакав да ја докажам таа теза. Навистина бев изненаден и возбуден кога сфатив дека најсјајната ѕвезда одговара на положбата на градот“ – изјавило момчето.