Дали Џорџ Флојд го мотивирал кошаркарот на овој потег? Леброн вложува 100 милиони долари во нов бизнис
Како што пренесуваат сите светски медиуми, славниот кошаркар Леброн Џејмс заедно со своите деловни партнери обезбедил 100 милиони долари инвестиција во медиумска империја, која има за цел зајакнување на правата на црнците во САД.
“The SpringHill Company” ја предводат кошаркарот и неговиот деловен партнер Маверик Картер, а “BBC” пишува дека и Серена Вилијамс одлучила да учествува во ваквиот проект. Како што стои во описот на компанијата, станува збор за медиумска куќа со неапологетска агенда која ќе им даде предност на креативците и потрошувачите.
Интересно е тоа што името го добила по станбениот комплекс во кој пораснал Леброн додека живеел во државата Охајо. Компанијата е всушност резултат на 3 здружени проекти – продуцентската куќа “SpringHill Entertainment”, компанијата за дигитални медиуми “Uninterrupted” и маркетиншката агенција “The Robot Company”.
Our leadership team is a reflection of our entire organization. I want to thank everyone at The Springhill Company for believing in our vision! We closed this deal in March and I knew our work was going to keep getting more and more necessary. Let’s continue greatness. 🚀👑 pic.twitter.com/O3jQR47bjf
— LeBron James (@KingJames) June 25, 2020
Не можеме, а да не се запрашаме дали бруталното убиство на Џорџ Флојд, поради кој целиот свет е на улиците, влијаело на тоа славниот Американец да го започне овој социјално значаен проект, или веќе некое време го имал на ум. Леброн е помеѓу оние, можеме слободно да кажеме – ретки Афроамериканци за кои САД се “погодно тло” за добар и безбеден живот.
Џејмс истакнал дека неговиот тим е составен од повеќе од стотина работници, од кои 64 отсто не се белци, а има околу 40 отсто жени.
