Јутјуберот Лори Шо досега пред себе поставил бројни предизвици, а сега решил во рок од еден месец да прави по 200 склекови секој втор ден.
Лори сакал да дознае дали склековите ќе ја зголемат неговата издржливост и ќе му помогнат да изгради видливи мускули.
Јутјуберот се одлучил на ваков предизвик бидејќи сфатил дека денот за одмор е многу важен – на мускулните влакна им треба време да закрепнат и да се регенерираат. Првиот ден направил 30 склекови пред да му биде потребна пауза, а сите 200 успеал да ги совлада за 15 минути и 11 секунди. По една недела додал и некои варијации.
“Ми беше потребен дополнителен предизвик. И понатаму правам 200 склекови, но ми треба повеќе време”, објаснил Шо.
На крајот од месецот можел да направи 70 склекови без да паузира, а за 200 склекови му биле потребни 9 минути и 18 секунди, што е многу подобро отколку на почетокот. Што се однесува до видливоста на мускулите, не бил толку задоволен.
“Разликата е минимална, но дефинитивно се чувствувам добро и пофит отколку пред 30 дена”, заклучил Јутјуберот.