Филип Божиновски стана татко: „Еден ден пред мојот роденден го добив најубавиот подарок“

Филип убавата вест ја сподели на социјалните мрежи, со постара фотографија од неговата сакана и, тогаш сè уште неродената ќерка.

„Денеска, на 24-ти август, еден ден пред мојот роденден го добив најубавиот подарок. Чувството не се опишува. Емоциите не можам да ги објаснам со зборови. Мојата Сања Митровска ми роди ќерка. Станав татко. Новото поглавје во нашиот живот допрва почнува“, напиша Божиновски.

Инаку Филип и Сања се во брак две години, од 30.09.2018-та година, па новиот член во нивното семејство е одличен подарок за предвремена прослава на годишницата.