Минатата година, на Макфест 2019, имавме чест да ја запознаеме тогаш 15-годишната Лара Иванова, која освен што нѝ го привлече вниманието поради тоа што беше најмала учесничка, таа целосно нè освои после својот неверојатен настап.
Лара има 16 години и од неодамна е дел од семејството на „Промостејџ“. Оваа талентирана тинејџерка има премногу квалитети во себе и постојано ги изненадува почитувачите на нејзиниот животен правец. Инаку, Иванова периодов се подготвува и за овогодишниот Макфест, каде по вторпат ќе се претстави со балада - уште едно дело на Иле Спасев. Очекуваме оваа година да се закити со некој висок пласман, а дотогаш, ви носиме кратко интервју со младата пејачка.
Не пропуштајте: Новиот бисер на македонската музичка сцена: Најмладата изведувачка на „Макфест“ со неверојатно емотивен настап
Искрено, мислам дека на сите ни се промени животот во последниве неколку месеци, со оглед на тоа дека можеше поактивно да се работи доколку не беше ситуацијата таква каква што е сега, но што е, тука е. Јас продолжив и понатаму да работам на полето на музиката и да се усовршувам, работејќи со Иле Спасев.
После успехот на Макфест со композицијата „Кој те учи така“, навистина добив многу пофалби и позитивни критики со оглед на тоа што имав само петнаесет години и бев најмлад учесник на фестивалот. Секако, со тоа и популарноста си дојде сама по себе.
[фото: Стефан Соколовски]
И оваа година на Макфест ќе настапам со прекрасна балада, насловена „За нас“. Музиката, аранжманот и продукцијата се дело на Иле Спасев, а за текстот се погрижи Робин Зимбаков.
Видео записот е веќе готов, и е дело на Огнен Шапковски и Мелем Продукција. Навистина е прекрасен и се надевам дека ќе ѝ се допадне на публиката.
Навистина многу ми е жал што оваа година на Макфест нема да се пее во живо, затоа што повторно песната е компонирана за да можам да ги покажам своите вокални способности, но сепак, најважно ми е таа да допре до публиката и да остане слушана, без разлика дали ќе добие некоја награда.
Не би можела да издвојам една светска ѕвезда во целина како репер, но еве, би ги спомнала Адел, Били Ајлиш, Ријана, Аријана Гранде.
И покрај тоа што популарноста е зголемена, а со тоа и обврските, и понатаму се трудам да бидам успешна на сите полиња и да давам максимум од себе.
[фото: Стефан Соколовски]
Би рекла дека постојано сум опкружена со музика, а моментално сум опседната со “My future” од Били Ајлиш.
Автор: Цеце Николова