Мајката на Британецот осомничен дека им ги сечел главите на заложниците од Западот кои ги киднапирала Исламската држава во Сирија, денеска го изгубила судскиот спор против одлуката на британската влада да ги сподели доказите за нејзиниот син со американските власти.
Ел Шафи Екшеик и Александа Коти, Британци кои признале дека се приклучиле кон ИСИС, моментално се притворени во САД.
Тие се обвинети дека биле припадници на ќелијата одговорна за егзекуцијата на заробениците од Западот во Сирија.
Преживеаните заробеници нив и уште двајца џихадисти ги нарекле "Битлси" бидејќи зборувале на англиски јазик со британски акцент, пренесува "Reuters".
Pleased to say that the further evidence to support the prosecution of Kotey & El Sheikh has now finally been transferred to the US.
— Priti Patel (@pritipatel) September 22, 2020
I sincerely hope that justice for the victims and their families will now be served.https://t.co/aIUEpQgnPt
Мајката на Екшеик ја оспорила одлуката на британската министерка за внатрешни работи Прити Пател да ги проследи информациите до американските обвинители на основа на барањето за "взаемна правна помош", наведувајќи дека тоа е спротивно со законите за заштита на податоци.
Судот денес го отфрлил нејзиното барање, што значи дека британските власти можат да ги предадат доказите на американското правосудство.
Американското обвинителство минатиот месец ја известило британската влада дека ќе бара смртна пресуда за двајцата осомничени.
