Популарниот ММА борач се почести со луксузна „Lamborghini“ јахта, вредна „вртоглава“ сума пари...
Мекгрегор се пофали со фотографии на социјалните мрежи, па ги воодушеви сите.
ММА борачот, Конор Мекгрегор, се почести со луксузна „Lamborghini“ јахта - вредна над три милиони долари. Произведувач на овој „ѕвер“ е италијанската автомобилска компанија и произведувач на пловила „The Italian Sea Group“.
Како што му доликува на еден шампион, Ирецот се пофалил со купувањето на социјалните мрежи, и објавил фотографии од презентацијата, во негова чест.
Инаку со проектот „Tecnomar for Lamborghini“ предвидено е да се изработат 63 ексклузивни верзии, а Мекгрегор ја „пазареше“ 12-та по ред, симболично избрана поради неговио бренд виски „Proper No. Twelve“.
Во друштво на својата сопруга и децата, борачот позирал во седиштето на италијанската компанија, а на социјалната мрежа Инстаграм објавил и порака „Број 12, верзијата на Мекгрегор“.
