Земјотрес со магнитуда од 5,6 степени по Рихтеровата скала денеска го погоди југозападен Исланд, а потресот силно се почувствува и во главниот град Рејкјавик.
Исландските власти соопштиија дека земјотресот бил регистриран во 13:43 часот по локално време, а епицентарот бил во Крисувик на околу 35 километри јужно од Рејкјавик.
Премиерката на Исланд, Катрин Јакобсдотир во моментите на потресот учествуваше на онлајн дискусија за последиците од пандемијата на коронавирусот. Иако на почетокот се исплаши, таа веднаш се смири и го продолжи разговорот, а на соговорниот му рече: „Ова е Исланд“.
Our Prime Minister @katrinjak response to an earthquake M5.6 live on @washingtonpost was fantastic. Calm, surprised but casual. "This is Iceland" ??#earthquake #Iceland pic.twitter.com/DPea2NMlEr
— Áslaug Arna Sigurbjörnsdóttir (@aslaugarna) October 20, 2020
Инаку, островската земја е една од сеизмички најактивните земји на светот, иако најголемиот дел од земјотресите се со мал интензитет и не причинуваат позначителна штета.